Rusiya Federasiyası Təhlükəsizlik Şurasının sədr müavini Dmitri Medvedev bir sıra Avropa ölkələrinin Amerika “F-16” qırıcılarını Ukraynaya təhvil vermək qərarına münasibət bildirib.
Elchi.az Smotrim.ru-ya istinadən bildirir ki, rusiyalı siyasətçi onlara “təyyarə oynamamağı” tövsiyə edib.
Medvedev əvvəllər “F-16”-ların Kiyevə çatdırılmasını Ukrayna və Avropa üçün “yaxşı gün” adlandıran Almaniyanın xarici işlər naziri Annalena Berbokun sözlərinə münasibət bildirib.
“Uşaqlar, qum qutunuzda təyyarə oynamayın”,- deyə Təhlükəsizlik Şurasının sədr müavini Teleqram kanalında yazıb: “Avropa üçün növbəti belə “yaxşı günlərdən” biri onun son gününə çevrilsin”.
Xatırladaq ki, bundan əvvəl Ukrayna hakimiyyəti Danimarka və Hollandiya ilə “F-16”-ların tədarükü ilə bağlı razılıq əldə etdiklərini bildirmişdi. DXR rəhbəri vəzifəsini icra edən Denis Puşilinin sözlərinə görə, Ukrayna Silahlı Qüvvələrinə döyüş təyyarələrinin verilməsi Qərbin münaqişəni uzatmaq istəyindən xəbər verir.
Yeganə
Son şərhlər