İran 18 minə yaxın əfqan miqrantı deportasiya edib

İran 18 minə yaxın qeyri-qanuni əfqan miqrantı ölkələrinə deportasiya etdiyini açıqlayıb.
Elchi.az xəbər verir ki, İranın yarı-rəsmi Mehr Xəbər Agentliyinin məlumatına görə, Xorasan Rezevi vilayətinin Polis İdarəsinin rəisi Məcid Şoca bildirib ki, son günlərdə ölkənin müxtəlif bölgələrində sərhədçilər və polis qrupları tərəfindən aşkarlanan 17 min 926 qeyri-qanuni əfqan mühacir deportasiya edilib.
İran rəsmisi bildirib ki, əfqanlar Doğarun Sərhəd Qapısı vasitəsilə vətənə qaytarılıb.
Digər tərəfdən İranın daxili işlər naziri Əhməd Vahidi ölkədəki əfqan mühacirlərin sayının 5 milyondan çox olduğunu bildirib.
Vahidi bildirib ki, əfqan mühacirlərin ölkə üçün təhlükəsizlik problemi yaratdığına dair heç bir məlumatı yoxdur.

Şayəstə Hüseynova