Artıq yeddi ildir ki, Hollovud ulduzları Ancelina Coli və Bred Pitt uşaqların qəyyumluğuna görə mübahisə edir.
Elchi.az-ın Mk.ru-ya istinadən xəbərinə görə, uşaqlar valideynlərinin uzun sürən davasına özləri son qoya bilərlər.
Ancelina Coli və Bred Pittin altı varisi var – onlardan üçü övladlığa götürülüb. 2016-cı ildə aktrisa boşanmaq üçün ərizə verib və 2019-cu ildə məhkəmə məşhurların birliyini rəsmi olaraq dayandırıb. Lakin qəyyumluq məsələsində yekun razılığa gəlmək mümkün olmayıb. Uşaqlar anaları ilə yaşayırlar, lakin ata mütəmadi olaraq onlara baş çəkə bilir və onların həyatında fəal iştirak etmək istəyir. “Radar Online” onlayn nəşrinin öz mənbələrinə istinadən verdiyi məlumata görə, ən böyüyü, 21 yaşlı Maddoks istisna olmaqla, bütün uşaqlar atalarına isti münasibət bəsləyirlər və analarının onunla qarşıdurmasından yorulublar.
“Angelina tək qəyyumluq uğrunda mübarizəsini dayandırmaq istəmir, lakin uşaqlar böyüyür və hətta onlar analarına deyirlər ki, dayanmağın vaxtıdır”.
Ulduzların övladlıq olan üç uşağı-21 yaşlı Maddoks, 19 yaşlı Pax və 18 yaşlı Zahara artıq yetkinlik yaşına çatdıqları üçün taleyi ilə bağlı qərarlara təsir edə bilirlər. 17 yaşlı Şilo və 14 yaşlı əkizlər Noks və Vivyen də böyüyüb onlara baxan və onları tərk etməyən öz atalarını sevirlər.
Yeganə
Son şərhlər