ABŞ-ın Polşadakı səfiri Varşavada LGBT icmasının illik paradında ABŞ bayrağını daşıyıb.
Elchi.az-ın News.am-a istinadən məlumatına görə, bu barədə “Associated Press” agentliyi xəbər verir.
Səfir Mark Bzezinski ABŞ səfirliyinin 30-dan çox digər əməkdaşı və Kanada, Avstriya və digər Qərb ölkələrinin nümayəndələri ilə LGBT icmasının paradında gedərkən “Amerika bərabərliyi qəbul edir”,-deyə qeyd edib.
Bzezinski “Associated Press” agentliyinə bildirib ki, onun səfirliyi Polşa cəmiyyətini parçalamaq məqsədilə nifrət, yalan və böhtanla Polşa LGBT icmasına qarşı mütəşəkkil kampaniya haqqında narahatedici xəbərlər eşidib: “Bu parçalanma səpmək cəhdləri yalnız demokratiyanı zəiflətməyə çalışanların əllərini gücləndirir. Ümid edirik ki, bu xəbərlər həqiqətə uyğun deyil və fikir ayrılıqları ayrıseçkiliyə çevrilməyəcək”.
Xatırladaq ki, Polşa prezidenti Anjey Duda 2020-ci il təkrar seçki kampaniyası zamanı LGBT hüquqlarının təşviqini kommunizmdən daha dağıdıcı bir ideologiya adlandırmışdı.
Yeganə
Son şərhlər