MAQATE-nin direktoru Qrossi Zaporojya Atom Elektrik Stansiyasına baş çəkib.
Elchi.az xəbər verir ki, Ukraynanın Rusiyanın nəzarətində olan Xerson vilayətində Nova Kaxovka bəndinin dağılmasından sonra Beynəlxalq Atom Enerjisi Agentliyinin (MAQATE) prezidenti Rafael Qrossi Rusiyanın nəzarətində olan Zaporojye Atom Elektrik Stansiyasına baş çəkib. Zavodda yoxlamalar aparan Qrossi ərazidə vəziyyətin “ciddi” olduğunu, lakin zavodda soyuducu suyun səviyyəsinin kifayət qədər olduğunu bildirib. “Bizim Birləşmiş Millətlər Təşkilatının Təhlükəsizlik Şurasında formalaşdırılmış siyasi razılaşmamız var. Yazılı razılaşma indiki mərhələdə real olmayacaq, çünki bildiyimiz kimi, tərəflər arasında sülh və ya atəşkəs danışıqları yoxdur”, – Qrossi bildirib.
Zaporojye Atom Elektrik Stansiyasındakı 6 reaktor həddindən artıq istiləşmədən qorumaq üçün soyuducu hovuzdan istifadə edir. Səlahiyyətlilər soyuducu hovuzun Nova Kaxovka bəndindən verilən su ilə doldurulduğunu, lakin bəndin uçması səbəbindən bunun mümkün olmadığını bildirərək, soyutma hovuzunun yeraltı quyulardan istifadə etməklə doldurula biləcəyini açıqlayıb. Digər tərəfdən, Qrossinin dünən zavoda baş çəkməsi gözlənildiyi halda, Ukrayna və Rusiya qüvvələri arasında davam edən şiddətli qarşıdurma səbəbindən təhlükəsizlik səbəbilə bu günə təxirə salınıb.
Məmmədova Nuranə
Son şərhlər