Beynəlxalq bazarlarda Brent markalı neftin bir bareli 83,75 dollara satılır.
Elchi.az xəbər verir ki, dünən 84,13 dollara kimi bahalaşan Brent markalı neftin barrel qiyməti günü 83,69 dollarla tamamlayıb.
“Brent” markalı neftin bir barelinin qiyməti bu gün saat 09:47-ə bağlanış tarixi ilə müqayisədə 0,07 faiz artaraq 83,75 dollar olub.Eyni zamanda, West Texas Intermediate (WTI) xam neftinin bir bareli 77,34 dollardan alıcı tapıb.
Qiymətlərin qismən artmasında tələbin bərpası ilə bağlı gözləntilər təsirli olub.
Amerika Neft İnstitutu, ölkənin xam neft ehtiyatlarının keçən həftə bir əvvəlki həftə ilə müqayisədə 2 milyon 184 min barrel azalacağının proqnozlaşdırıldığını açıqladı. Bazar gözləntisi, ehtiyatların 2 milyon 150 min barel artacağı idi.
Ehtiyatların azalması ilə bağlı proqnoz ölkədə tələbin yüksək olduğu qənaəti ilə qiymətləri yuxarıya doğru dəstəklədi.
ABŞ Enerji İnformasiya Administrasiyasının rəsmi səhm məlumatları bu gün açıqlanacaq.
Digər tərəfdən, ABŞ Federal Ehtiyat Sisteminin (FED) sədri Jerome Powellin dünənki açıqlamalarında narahat olduğu qədər şahin ton istifadə etməməsi də bazarlarda risk iştahını artırıb.
Pauell bəzi sektorlarda dezinflyasiya prosesinin başladığını, lakin hələ çox uzun bir yol olduğunu bildirib. Pauell 2023-cü ildə inflyasiyanın əhəmiyyətli dərəcədə azalacağını gözlədiklərini qeyd edib.
ABŞ dollarının digər valyutalar qarşısında dəyərini ölçən indeksin aşağı düşməsi də dollarla olan nefti digər valyutalardan istifadə edən alıcılar üçün ucuzlaşdırır. Bu vəziyyət alışların artmasına səbəb olur və neftin bahalaşmasına dəstək verir.
Bildirilir ki, texniki baxımdan Brent markalı neftin 83,83-84,02 dollar diapazonu müqavimət, 83,64-83,45 dollar diapazonu isə dəstək zonası kimi izlənilə bilər.
Şayəstə
Son şərhlər