2023-cü ilin əvvəlində neftin qiymətinin qısa və ortamüddətli dinamikasını bir neçə amil müəyyən edir.
Elchi.az-ın xarici mediaya istinadən məlumatına görə, “OilPrice” yazır ki, tələb və təkliflə bağlı narahatlıqlar, bütün dünyada monetar siyasətin sərtləşdirilməsi, iqtisadi artımın əhəmiyyətli dərəcədə yavaşlaması və mümkün tənəzzül gözləntiləri, eləcə də Çində işin bərpası – bütün bunlar xam neftin qiymətlərinə təsir edir.
İlin ilk həftəsində neftin qiyməti ilk iki ticarət günündə 9% azalaraq, 1991-ci ildən bəri ilin ən pis başlanğıcı olub. Brent markalı neftin qiyməti iki ildə ilk dəfə olaraq bir il əvvəlki səviyyədən aşağı düşüb. Bəlkə də bu, geniş yayılmış inflyasiyanın pik həddə çatdığını və yaxın aylarda sürətlə azala biləcəyini deməyə əsas verir.
Analitik Jamie MacGyver-ə görə, baza effektləri, yəni qiymətlər və inflyasiya dərəcələri ildən-ilə aşağı düşür və enerji əmtəələrində deflyasiyanı göstərə bilər ki, bu da inflyasiyanın daha geniş şəkildə azalmasını gücləndirə və onu BVF-nin 2%-lik hədəfinə yaxınlaşdıra bilər.
Bununla belə, tənəzzül qorxuları davam edir. Həm ABŞ, həm də Çində neftə hazırkı zəif tələb neftin qiymətinin yaxın müddətli enişləri ilə bağlı proqnozları gücləndirir.
ING strateqləri deyirlər ki, neft bazarı qısamüddətli perspektivdə daha təhlükəsiz görünür və risklərin azalması ehtimalı var.
Yeganə
Son şərhlər