Fransada Rusiyanın Avropaya təbii qaz tədarükünü kəsməsi nəticəsində yaranan enerji böhranını aradan qaldırmaq üçün həyata keçirilən qənaət tədbirləri sayəsində təbii qaz və elektrik istehlakının əhəmiyyətli dərəcədə azaldığı bildirilib.
Elchi.az Türkiyə mediasına istinadən bildirir ki, Fransanın “Le Figaro” qəzetinin xəbərinə görə, Fransız elektrik ötürücü şəbəkə (RTE) məlumatlarına əsaslanaraq, elektrik istehlakı ilin sonuna qədər 8,5 faiz azalıb.
Bu nisbət COVID-19 epidemiyasının baş verdiyi 2020 və 2021-ci illər istisna olmaqla, 2014-2019-cu illərin orta göstəriciləri nəzərə alınmaqla hesablanıb.
2022-ci il avqustun 1-dən 2023-cü il yanvarın 1-dək qaz istehlakı da 2018-2019-cu ilin müvafiq dövrü ilə müqayisədə 12 faiz azalıb.
Meteoroloji şəraitə baxmayaraq, qənaət tədbirlərinin təsiri ilə bütün ərazilərdə elektrik enerjisi istehlakının azalmağa davam edəcəyi proqnozlaşdırılır.
Digər tərəfdən, 20-dən çox nüvə reaktorunun təmirdə olduğu ölkədə, Rusiyanın qazı kəsməsinə baxmayaraq, təbii qazdan elektrik enerjisi istehsalı COVID-19-dan əvvəlki 2018-2019-cu illərlə müqayisədə 38 faiz artıb.
Yeganə
Son şərhlər