“Rus ordusunun dünya ictimaiyyəti qarşısında biabırçılıqları göz önündədir. Dünyanın ikinci ordusu hesab edilən, 1 milyon 300 mindən çox əsgəri olduğu deyilən bir ordu, özündən qat-qat zəif bir ordu ilə girdiyi müharibədə yeddi aydır nə taktiki, nə də strateji baxımdan hədəflərinə çata bilmədi, hətta yerindən tərpənməz hala düşdü”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov FB hesabında qeyd edib:
“Görəsən rus ordusuna nə oldu ki, bu durumda qaldı? 1,3 milyon əsgər hara getdi ki, yenidən 300 minlik əsgərə ehtiyac oldu?
İndi məlum olur ki, rus ordusu dünyada kosmik güc hesab edilsə də, əslində heç Ukrayna ərazisinə tam kosmik nəzarəti həyata keçirə bilmir, NATO ölkələrindən fərqli olaraq.
Əslində isə rus ordusunun sayı şişirdilib, müasir silah-sursat adı altında pullar yeyilib. Ancaq bununla bərabər rus oliqarxlarının yaxtalarının sayı NATO donanmasının gəmilərinin sayından çoxdur. İndi məlum olur ki, ordu niyə bu gündədir, orduya ayrılan pullar haradadır. Oliqarxları yaradan, onlara vəzifə verən isə Putindir.
Putini güclü strateq filan hesab edənlər isə Putindən soruşurlar ki, necə olur ki, Ukraynaya hücum planını beynində quranda niyə ordunun durumunu özün diqqətlə incələmədin ki, indi böyük bir dövlətin ordusu bu duruma düşdü, lağ mənbəyinə çevrildi? Tutaq ki, bilərəkdən, ya bilməyərəkdən sənə yanlış məlumat verirdilər, bu məlumat verənləri də sən təyin etmişdir axı, onların ağlı səninkindən aşağı idi, niyə özün bu məlumatları şəxsən yoxlamırdın?
Görünən odur ki, Putin öz ağlının azlığı səbəbindən elə oyuna düşüb ki, artıq ona öz ətrafından kimsənin ağlı kömək edə bilməz. Nüvə silahı işlətməklə belə nəsə əldə etmək olmaz. Bu, daha böyük məğlubiyyət deməkdir. Putinin işi Ukraynanın mərhəmətinə qalıb. Ukraynanın mərhəmət limiti isə bitmiş kimi görünür”.
Yeganə
Son şərhlər