Avstraliya və Niderland Malayziya təyyarəsinin vurulmasına görə Rusiyaya qarşı Beynəlxalq Mülki Aviasiya Təşkilatında birgə hüquqi fəaliyyətə başlayıb.
Elchi.az “Reuters”ə istinadən xəbər verir ki, tərəflər 2014-cü ildə Ukrayna hava məkanında Malayziyanın MH17 sərnişin təyyarəsinin vurulmasına görə Rusiyanın məsuliyyət daşıdığını bəyan ediblər.
Avstraliyanın Baş naziri Skot Morrison və xarici işlər naziri Meris Peyn bildirib ki, 38 Avstraliya vətəndaşının həlak olduğu insidentə görə məsuliyyət Rusiyanın üzərinə düşür və bu hadisə mülki təyyarələrin atəşdən qorunmasına dair beynəlxalq konvensiyanın açıq şəkildə pozulmasıdır.
Niderland XİN başçısı Vopke Hoekstra isə bəyanatında qeyd edib ki, BMT Təhlükəsizlik Şurası məsələ ilə bağlı məlumatlandırılıb və 196-sı Niderland vətəndaşı olmaqla ümumilikdə 298 nəfərin həlak olduğu bu insident nəticəsiz qalmamalıdır.
“Ukraynada hazırkı hadisələr bunun həyati önəmini vurğulayır”, – deyə nazir bildirib.
Son şərhlər