Rusiyanın Ukraynanı işğal edəcəyi təhlükəsi şişirdilib, Moskva və Vaşinqtonun əsas problemlər üzrə razılaşmaq şansları var.
Elchi.az xəbər verir ki, bunu fransız siyasi ekspert Floran Parmentye “Fiqaro” nəşrinə müsahibəsində deyib.
Parmentyenin sözlərinə görə, Rusiyanın Ukrayna ilə sərhəddə hərəkətləri Qərb ölkələrinin, xüsusən də ABŞ-ın təxribatlarının nəticəsidir:
“Rusiya son iki-üç hərbi hadisəyə cavab verməyə çalışır: Türkiyə pilotsuz təyyarələrinin peyda olması, NATO-nun Qara dənizdə hərbi varlığının gücləndirilməsi və Rusiyadan 20 kilometr aralıda Amerika bombardmançılarının yerləşdirilməsi. Bir neçə həftə əvvəl Vladimir Putin öz ərazisində təhlükəsizlik zəmanəti almaq arzusunu bildirib. Bütün hallarda Moskva Ukrayna ilə NATO-nun “izdivacını” qəbuledilməz sayacaq”.
Müəllif Rusiya ilə ABŞ arasında Ukraynadakı vəziyyətlə bağlı aparılan danışıqlara da toxunub. Onun fikrincə, hər iki geosiyasi oyunçunun qüvvələri təxminən bərabər olduğu halda, Moskva və Vaşinqtonun münasibətləri normallaşdırmaq şansı var. Bununla belə, hər iki tərəfin laqeydliyi dəhşətli nəticələrə səbəb ola bilər:
“Bu böhranda Moskva müəyyən mövqe tutur və ABŞ-a deyir: “Əgər Sergey Lavrovla ünsiyyət qurmaq istəmirsənsə, eybi yoxdur. Amma o zaman Rusiyanın müdafiə naziri Sergey Şoyqunu dinləməli olacaqsan”. Və bu, çox şey deyir”.
Son şərhlər