Antalyaya gələn turistlərin sayı onun əhalisinin sayını iki dəfə ötüb

İyunun 15-ə qədər Türkiyənin Antalya şəhərinə 180 ölkədən 4,943 milyondan çox turist gəlib.

“Report” xəbər verir ki, bu barədə “Anadolu” agentliyi məlumat yayıb.

Qeyd edilir ki, Türkiyənin turizm mərkəzinə keçən il təxminən 14 milyon xarici turist səfər edib. 2019-cu ildə 2,5 milyon nəfər əhalisi olan Antalyaya yeni rekord sayda turistlərin gələcəyi gözlənilir.

Antalyanın Mədəniyyət və Turizm İdarəsinin məlumatına görə, dünyanın məşhur turizm mərkəzləri sırasına daxil olmuş Türkiyənin turizm paytaxtına iyunda 1,643 milyondan çox xarici turist səfər edib. İyunun 22-ə olan məlumata görə, Antalyaya baş çəkmiş əcnəbilərin sayı 4,943 milyon nəfəri ötüb.

Antalyada gələn turistlərin sayında Rusiya və Almaniya vətəndaşları liderlik edir. Qeyd edilir ki, 2018-ci ilin analoji dövründə Antalyaya 4,214 milyondan çox insan gəlib.

İlin sonuna kimi Türkiyənin turizm paytaxtına 14 milyondan çox insanın baş çəkəcəyi gözlənilir.