Türk serialları ilə bağlı bəd xəbər – 11 kanala “Yayımdan qaldırın” əmri verildi

Mərkəzi Dubayda yerləşən MBC media qrupu tərkibində olan bütün telekanallara türk seriallarını yayımlamağı qadağan edib.

Yenicag.az xarici KİV-ə istinadən xəbər verir ki, Türkiyə və Birləşmiş Ərəb Əmirliklərinin diplomatik münasibətlərində yaranan gərginlik media sahəsinə də sirayət edib. MBC-nin mətbuat katibi məsələ ilə bağlı BBC-yə açıqlama versə də, bu qərarın hansı zərurətdən alındığı barədə heç nə deməyib. Media qrupunun mətbuat katibi Hayek bununla daha keyfiyyətli ərəb seriallarının çəkiləcəyini deyib.

Qeyd edək ki, ikinci bir əmrə qədər 11 telekanalda türk serialları yayımlanmayacaq. Bu qərar ərəb izləyicilərin böyük etirazına səbəb olub.