AFFA İntizam Komitəsinin növbəti iclası keçirilib. Komitə üzvləri Premyer Liqanın vəəvəzedicilərin çempitnatının XXVII, I divizionun XXV turunda qeydə alınan qayda pozuntularına hüquqi qiymət verib.
Premyer Liqada “Qarabağ” “Sumqayıt”la oyunda 4 futbolçusu sarı vərəqə aldığından 800 manat cərimələnib. Əvəzedicilərin çempionatında isə “Neftçi”, AZAL, “Qarabağ” 4, “Kəpəz” 5 futbolçusu sarı vərəqə aldığı üçün 400 manat cərimə edilib.
I divizionun “Energetik” – “Bakılı” oyununda meydan sahiblərindən Elçin Qasımov ikinci sarı vərəqəni alaraq meydançadan kənarlaşdırıldığı üçün 1, qonaqlardan Ravil Məhəmmədov rəqibi təhqir etdiyinə görə qovulduğuna görə 3 oyunluq cəzalandırılıb. Mingəçevir klubu 20, Bakı təmsilçisi 160 manat cərimə edilib. “Energetik” 5 futbolçusu sarı vərəqə aldığından əlavə 80 manat ödəyəcək.
Oyunun 61-ci dəqiqəsində hakim qarşılaşmanı əsassız olaraq dayandırıb və 15 dəqiqə fasilədən sonra yenidən bərpa edib. Hakimlər Komitəsinə və Hakim-İnspektorlar Komitəsinə oyunun hakimi və hakim inspektoru haqqında lazımi ölçü götürüb İntizam Komitəsinə məlumat vermək tapşırılıb.
Qeyd edək ki, oyunu Qorxmaz Eldarov idarə edib. Matçın hakim-inspektoru isə Qabil Nərimanov olub.
“Səbail” “Şəmkir”lə oyunda 6 futbolçusu sarı vərəqə aldığından 80 manat cərimələnib.(Fanat.Az)
Son şərhlər