10 mart tarixində Türkiyəli iş adamı, ermənilərlə şərik çalışan və ölkəmizə yumurta ixrac edən şirkətin direktoru Ömür Oralla Hüquqşünas Aslan İsmayılovun mətbuat konfransı keçirilmişdir. Konfransda iş adamı, “Xəmsə” MMC-nin direktoru Mürvət Həsənliyə əsassız ittihamlar səsləndirilmişdir. Bundan əlavə türkiyəli iş adamı tərəfindən Qərbi Azərbaycanlılara qarşı erməni ittihamı irəli sürülmüş, eyni zamanda Azərbaycanda bank sistemi tənqid olunmuşdur.
Buna cavab olaraq iş adamı Mürvət Həsənli mətbuat konfransı keçirib. Mətbuat konfransında çıxış edən Mürvət Həsənli bildirib ki, Ömür Oral və Aslan İsmayılov ittihamları heç bir əsasa sığmır.
“Aslan İsmayılov və Ömür Oral ermənilərlə iş birliklərin gizlədir. Amma biz məhkəməyə bununla bağlı dəqiq faktlara əsaslanan sənədlər təqdim etmişik. Əgər onlarda təkzib varsa niyə məhkəməyə müraciət etmirlər”- deyə M. Həsənli bildirib.
Türkiyəli iş adamının 10 mart tarixində keçirdiyi mətbuat konfransında Qərbi Azərbaycanlıları erməni adlandırmasına Mürvət Həsənli sərt reaksiya verib. Bildirib ki,iş adamı və onun hüquqlarını müdafiə edən Aslan İsmayılov bu ittihama qanun qarşısında cavab verəcəklər.
Qeyd edək ki, 10 mart tarixində keçirilən mətbuat konfransında Ömür Oral Mürvət Həsənliyə işarə vuraraq “Ermənistanda doğulanmı ermənidir, Türkiyədə doğulan ermənimi ermənidir”-ifadəsin işlədib.
Elchi.az
Son şərhlər