Deyilənə görə, SSRİ lideri İosif Stalinlə Böyük Britaniyanın Baş naziri Uinston Çörçill bir-birilərini bəyənməyiblər.

Axar.az Nicbar.ru-ya istinadla xəbər verir ki, buna baxmayaraq, 1943-cü ildə onlar Tehranda bir araya gələrkən şəxsi münasibətləri qətiyyən hiss olunmur.

SSRİ səfirliyndə nahar zamanı Stalin Çörçillin hansı konyakdan istifadə etdiyi ilə maraqlanır:

– Əlbəttə, əsl Hennessi, – Çörcill cavab verir.

Stalin deyir ki, əlbəttə, ona “Hennessi” də təklif edə bilər:

– Ancaq gürcü konyakı “Eniseli” daha məsləhətlidir.

Çörçill bu durumdan olduqca təəccüblənir:

– Bu necə Gürcüstanın ola bilər ki, onun adı elə Fransada məkan adı ilə bağlıdır?

– Siz gürcü konyakından dadın, ümid edirəm ki, bəyənəcəksiniz, – Stalin təmkinlə deyir.

Çörçill razılaşır və həmin konyakdan bir qurtum aldıqdan sonra təəccüblənir:

– Heç vaxt bundan gözəlini içməmişəm.

Stalin gülür:

– Bəyəndiniz? Söz verirəm ki, ömrünüzün sonuna qədər “Eniseli” içmək imkanınız olacaq.

Stalin sözünü tutur.

Çörçill çox yaşayır (1965-ci ilə qədər, 91 yaş). Bəlkə də ona görə çox yaşayır ki, daimi olaraq SSRİ-dən göndərilən “Eniseli”dən hər gün içirdi…