Ağdam rayon icra hakimiyyətinin indiki başçısı, MTN-nin Tərtər rayon şöbəsinin sabiq rəisi Raqub Məmmədov bir neçə şəxsi MTN-nin rəhbərliyindəki cinayətkar dəstənin vasitəsilə nazirlikdə işə qəbul etdirib. Bu şəxslərdən biri də onun öz kürəkəni Bayramov Pərviz Hüseyn oğludur.
Təyinat aldığı gündən Ağdam ictimaiyyəti tərəfindən ciddi şəkildə qınaq obyektinə çevrilmiş rayon icra başçısı Raqub Məmmədov çətin durumdadır.
Ötən sayımızda bu problemlərin nədən ibarət olması haqda yazmışdıq. Rayondan verilən məlumatlara görə icra başçısı öz yaxın adamları vasitəsilə müxtəlif şəxslərdən pul alaraq vəzifəyə qoyacağı vədini verib. Sonradan bu baş vermədikdə rayondan müxtəlif instansiyalara ünvanlanan şikayətlərin ardı-arası kəsilməyib. Məsələ ilə bağlı artıq həbs olunan da var. Gözlənilir ki, həmin şəx Raqub Məmmədova qarşı ifadələr verəcək.
Diğər tərəfdən bəzi mətbu orqanlrda icra başçısı ilə bağlı diğər maraqlı məlumat yayılıb. Bildirilir ki, Ağdam rayon icra hakimiyyətinin indiki başçısı, MTN-nin Tərtər rayon şöbəsinin sabiq rəisi Raqub Məmmədov bir neçə şəxsi MTN-nin rəhbərliyindəki cinayətkar dəstənin vasitəsilə nazirlikdə işə qəbul etdirib. Bu şəxslərdən biri də onun öz kürəkəni Bayramov Pərviz Hüseyn oğludur:
“Ağdamın icra başçısı Raqub Məmmədov kürəkənini təhsili olmadığı halda saxtakarlıqla MTN-nə işə qəbul etdirib. Akif Çovdarov və Tehran Babatov MTN-nə kadr yığarkən onların təhsilinin olub-olmamasına heç fikir verməyiblər və əsas danışıqlar başqa şeylə bağlı olub. Bunların istədiyini verən şəxsin hətta ali təhsil haqqında saxta sənədlə işə düzəlməsi də mümkün olub. Bu işdə əsas vasitəçilər də MTN-nin öz işçiləri olublar.
Məsələn, Ağdam rayon icra hakimiyyətinin indiki başçısı, MTN-nin Tərtər rayon şöbəsinin sabiq rəisi Raqub Məmmədov bir neçə şəxsi MTN-nin rəhbərliyindəki cinayətkar dəstənin vasitəsilə nazirlikdə işə qəbul etdirib. Bu şəxslərdən biri də onun öz kürəkəni Bayramov Pərviz Hüseyn oğludur. Raqub Məmmədov MTN-nin Tərtər rayon şöbəsinin rəisi olanda Pərviz Bayramovun MTN-də işə qəbuluna vasitəçilik edib”.
Məlumata görə, bu əməliyyat Pərviz Bayramovun Ağdam rayonunda məktəb direktoru işləyən atası Hüseyn Bayramova 60-a başa gəlib.
Tələbə Qəbulu Üzrə Dövlət Komissiyasına ünvanladığımız sorğuya aldığımız cavab bizi sözün əsl mənasında şoka saldı. Belə ki, Tələbə Qəbulu üzrə Dövlət Komissiyasından aldğımız 16.11.15 tarixli 04/1519 saylı rəsmi cavabda qeyd edilir ki, “01.12.1978 təvəllüdlü Bayramov Pərviz Hüseyn oğlu 1995/1996-cı tədris ilində Tələbə Qəbulu Üzrə Dövlət Komissiyası tərəfindən ali təhsil müəssisələrinin bakalavriat səviyyəsinə qəbulla keçirilmiş test imtahanında iştirak etmiş və heç bir təhsil müəssisəinə qəbul olunmamışdır”. Tələbə Qəbulu üzrə Dövlət Komissiyasının cavabında daha sonra o da vurğulanır ki, “Pərviz Hüseyn oğlu Bayramovun ali və ya orta ixtisas müəssəsini bitirməsi haqqında “Tələbə-Məzun” dövlət elektron məlumat sistemində heç bir məlumat mövcud deyil”.
Bu sənəd Ağdam rayon icra hakimiyyətinin başçısı Raqub Məmmədovun kürəkəni Pərviz Bayramovun ali təhsil almadığını, MTN-nə saxta sənədlə işə qəbul olunduğunu üzə çıxarır. Məlumata görə ali təhsili olmadan saxta sənədlə Pərviz Bayramovun MTN-ə işə qəbulunda Akif Çovdarovla Tehran Babatov əsas rol oynayıblar. Yəni Raqub Məmmədov bu şəxslərlə əlbir olaraq, Pərviz Bayramovun saxta sənədlə MTN-nə işə qəbuluna nail olub. Məlumata görə, Pərviz Bayramov hazırda MTN-nin Şamaxı şöbəsində çalışır.
MTN ləğv olunduqdan sonra Akif Çovdarov, Tehran Babatov və digərlərinin küllü miqdarda rüşvət hesabına MTN-nə qəbul etdikləri şəxslərdən bəziləri işdən qovulan zaman Pərviz Bayramovun da karyerasına təhlükə yaranıb. Yenə də bu dəfə məsələyə Ağdam rayon icra hakimiyyətinin başçısı Raqub Məmmədov müdaxilə edib və kürəkənini işdə saxlada bilib. Məlumata görə, Raqub Məmmədova bu qanunsuzluğu ört-basdır eləməkdə yüksək vəzifəli məmurlardan biri yardım edib.
Qarşı tərəfin mövqeyin dərc edə bilərik
Son şərhlər