Keçən həftə Hollandiyada yaşayan separatçı Əlikram Hümbətovun qondarma erməni soyqırımının ildönümü ilə bağlı ermənilərə başsağlığı verməsi ölkə gündəminə çevrildi. Öncə onu qeyd edim ki, əvvəllər Hollandiyada və başqa yerlərdə yaşayan separatçıların əleyhinə sərt yazılar yazmışam və onların fəaliyyətlərini sərt tənqid edənlərdən biriyəm.
Artıq ölkəmizin güclənməsi və beynəlxalq tədbirlərə ev sahibliyi etməsi fonunda belə bəyanatların səsləndirilməsi gözləniləndir. Əslində, buna təəccüblənməyinə dəyməz. Bu addım separatçının psixoloji problemlər yaşamasından və dənizdə batan adamın saman çöpündən yapışmasından xəbər verir. Onsuz da separatçı Azərbaycan vətəndaşı deyil və onun talış toplumunun mövqeyindən çıxış etməyə də mənəvi haqqı çatmır. Üstəlik, bitmiş və tükənmiş insanın kukladan başqa heç nəyə bənzəmir.
Cənub bölgəsi Əlikram Hümbətov adında insanı unudub. Düşünürsə ki, bəyanatları ilə öz varlığını sübut edir. Ancaq yanılır. Bu bir daha onun necə əzabla öldüyünü təsdiqləyir. Bu yerdə düz deyiblər: “İğid bir dəfə ölər,qorxaq isə min dəfə”. Əlikram isə hər gün ölür.
Əlikram Hümbətov Azərbaycana ən böyük zərbə vuran və ismi tarixdə hər zaman xəyanətkar kimi keçəcək. Gələcək nəsillər bu insanı nifrətlə xatırlayacaq. 90-ci illərin boşluğundan yararlanan bu şəxs, sonradan Ermənistanın maraqlarına xidmət edərək, Azərbaycan parçalamağa çalışdı. Heydər Əliyev onu siyasi ustalıqla zərərsizləşdirərək, Azərbaycanı parçalamaqdan xilas etdi. Bununla da Əlikram həbsə, Azərbaycan isə sonradan Avropa Şurasının təzyiqləri ilə üz-üzə qaldı. Maraqlıdır ki, Qarabağına işğalına etirazın bildirməyən beynəlxalq qurumları insan haqları adı altında cinayətkarları müdafiə etməyə başladılar və onların əməllərində cinayət tərkibinin olmadığını bizə sübut etməyə çalışırdılar.
Avropa Şurasının Əlikramı israrlı müdafiə etməsi, bunun ardınca da onun “siyasi məhbus” adlandırması, şuranınn boş qurum olduğunu ortaya qoydu. Təbii Azərbaycan prezidenti İlham Əliyev humanist addım ataraq onu bağışladı və əfv etdi. Amma tarix heç bir zaman separatçını bağışlamayacaq.
Əlikram Hümbətovu “dirildən” və onun varlığını bizə hiss etdirənlər, bir məsələni bilməlidirlər ki, bununla Azərbaycan və Türk dünyasını təsir etmək mümkün deyil.
Son şərhlər