“Fənərbağça” – “Beşiktaş” derbisi yenidən keçirilə bilər. Türkiyə mətbuatı Emenikenin oyundakı hərəkətlərinə görə 3 dəfə sarı kart görməli olduğunu iddia edir. Lakin UEFA qaydaları bunun tam əksini söyləyir. Matçın hakimi Fırat Aydınusun “Fənərbağça”lı futbolçu Emenike ilə bağlı UEFA qaydalarını tətbiq etdiyi ortaya çıxıb.
Oyun qaydalarına görə, oyunda forma çıxarmaq qayda pozuntusu deyil. Ancaq futbolçu qol vurduqdan sonra formasını çıxararsa, o zaman bu qayda pozuntusu sayılır. UEFA tərəfindən hakimlərə verilən cəzalandırma səlahiyyəti də yalnız qol vurulan zaman forma çıxarılmasına şamil edilir.
Futbolçunun ehtiyat skamyasına yaxınlaşması da qayda pozuntusu deyil. Əgər futbolçu meydançanı tərk edib soyunma otağına getsə, o zaman sarı kartla cəzalandırıla bilərdi.
ANS PRESS
Son şərhlər