Tiflisdə Azərbaycan,Türkiyə və Gürcüstan dövlət orqanlarının yüksək səviyyəli nümayəndə heyətləri arasında üçtərəfli görüş keçirilir.
ANS PRESS-in məlumatına görə, Gürcüstan mətbuatı yazıb ki, “Üçtərəfli əməkdaşlığın gələcəyi: yeni perespektivlər və çağırışlar” mövzusunda keçirilən görüşdə regional təhlükəsialiyin gücləndirilməsi, tərəflər arasında iqtisadi əməkdaşlığın inkişaf etdirilməsi, İpək yolu vasitəsilə Şərqlə Qərb arasında nəqliyyat əlaqəsinin mümkünlüyü müzakirə olunur.
Gürcüstan iqtisadiyyat və inkişaf nazirinin müavini Mixeil Canelidze bildirib ki, bu gün üç ölkə arasında çoxtərəfli əməkdaşlıq formatı mövcuddur: “Bu ölkələrin həyata keçirdiyi 3 tərəfli layihələr təkcə bu ölkələrin yox, ümumilikdə regionun inkişafı üçün çox vacib və əhəmiyyətlidir.”
