“ABŞ demokratiya, insan hüquqları pərdəsi altında müxtəlif ölkələrə qarşı həyata keçirdiyi təzyiq siyasətindən əl çəkməlidir. Bu siyasət 
birmənalı şəkildə dünyada demokratiya və insan hüquqlarının qorunmasına hesablanmayıb”. Bunu SİA-ya “İslahatçı Gənclər” İctimai Birliyinin sədri Fərid Şahbazlı deyib.
Bilrik sədrinin sözlərinə görə, bütün bunlar ABŞ-ın özünün siyasi və iqtisadi maraqlarını təmin etmək naminə müxtəlif ölkələrə qarşı reallaşdırdığı şantaj və təzyiq siyasətidir: “Azərbaycanın dünyada hər ötən gün artan nüfuzu, siyasi və iqtisadi proseslərə təsir imkanlarının güclənməsi, yürütdüyü müstəqil xarici siyasət ABŞ-ın timsalında bir sıra dairələri ciddi şəkildə narahat edir: “Azərbaycanda reallaşdırılan siyasətin mərkəzində yalnız ölkəmizin və xalqımızın milli maraqları dayanır. Heç bir ölkə özünün siyasi və iqtisadi maraqlarını təmin etmək üçün Azərbaycanla təzyiq dilində, hədə tonunda danışa bilməz. Ölkəmiz insan hüquqları, demokratiya, söz və fikir azadlığı sahəsində olduqca ciddi nailiyyətlər əldə edib və bu siyasət dünyanın bir çox ölkələri üçün uğurlu model olacaq səviyyədədir. Azərbaycanda hakimiyyət insan hüquqları, demokratiya və söz azadlığının ən böyük dəstəkçisidir”.
Fərid Şahbazlı hesab edir ki, dünyaya demokratiya dərsi keçməyə cəhd edən ABŞ ilk növbədə, öz sərhədləri daxilində demokratiyanın bərqərar olmasına, insan hüquqlarının qorunmasına çalışmalıdır: “ABŞ-da söz azadlığının qorunması sahəsində ciddi problemlər mövcuddur. Məsələn, bir neçə il öncə ABŞ-da bir qrup senator Amazon.com-u Vikiliksi özünün serverlərindən çıxarmağa məcbur etdi. Elə həmin tarixlərdə Barak Obama administrasiyası dövlət qurumları və təhsil müəssisələri işçilərinin Vikiliksdən istifadəsini yasaqladı. XXI əsrdə ABŞ-da hələdə ağ və qaralara qarşı münasibətdə ciddi problemlər qalmaqdadır. Problem o qədər kritikdir ki, Obamının prezident seçilməsi belə bu ölkədə irqi ayrı-seçkiliyin aradan qaldırılmasına kömək etməyib”.
Vurğulanıb ki, ABŞ-da hər gün güc strukturlarının nümayəndələri vəzifə səlahiyyətlərindən istifadə edərək, vətəndaşlara qarşı zor tətbiq edir, onların şəxsiyyətinin alçaldılmasına yönəlik addımlar atırlar: “ABŞ Liviyanı BMT Təhlükəsizlik Şurasının qətnaməsini gözləmədən bombardman etdiyi halda, terroru himayə edən Ermənsitana qarşı açıq rəğbət bəsləməkdə, onun işğalçılıq siyasətinə dəstək verməkdədir: “Bütün bunlar şübhəsiz ki, ABŞ-ın ikili standartlara xidmət edən siyasətindən xəbər verir və birmənalı şəkildə yolverilməzdir. ABŞ bu təzyiq və şantaj siyasətinə son qoymalı və diqqəti daha çox öz ölkəsindəki ciddi problemlərə yönəltməlidir”.(Sia.az)
Son şərhlər