Suriyada təxminən 4 il davam edən müharibə nəticəsində ölənlərin sayının 200 mini ötdüyü bildirilir.
Avropa.info xəbər verir ki, mərkəzi qərargahı Londonda yerləşən Suriya İnsan Haqları Təşkilatı qan gölünə dönən Suriya ilə bağlı yeni hesabat yayıb. Hesabata görə, Suriyadakı daxili müharibə başlayandan bu günə 202 min 354 adam həyatını itirib. Ölənlərin yalnız 130 mini Əsəd hakimiyyətinə sadiq əsgərlər və silahlı müxaliflərin nümayəndələrindən ibarətdir.
Hesabatda ölənlərin mühüm bir qisminin sadə vətəndaşlardan ibarət olduğu da bildirilir. Belə ki, Suriyada aralarında 10 min 377 nəfəri uşaq olmaqla cəmi 63 min 74 sadə vətəndaşın öldüyü qeyd edilib.
Rejimə qarşı vuruşan müxaliflərdən 37 min 324 nəfər həyatını itirib . Bunların da 22 min 624 nəfəri suriyalı olmayan, lakin Suriyada vuruşan insanlardan ibarət olduğu bildirilib. Hesabatda həmçinin, Əsəd ordusundan 44 min 237 əsgərin öldüyünə də yer verilib.
Son şərhlər