“Türkiyə təbii qazın qiymətini 15 faiz aşağı salmağa təklif edirdi, lakin bu məsələ birgə layihələrdə iştirakımız nəzərə alınmaqla həll olunacaq”.
APA-nın RİA Novosti agentliyinə istinadən verdiyi xəbərə görə, bunu Rusiya energetika naziri Aleksandr Novak bəyan edib.
“Əsas etibarı ilə, Türkiyənin təklifi müzakirə oluna bilər. Yanvarın 1-dən qiymətin 6 faiz aşağı salınması birinci mərhələdir”, deyə Novak bildirib.
Onun sözlərinə görə, Ukrayna ərazisindən Türkiyəyə təbii qaz nəqlindəki məhdudiyyətlər də aradan götürülüb.
Xatırladaq ki, 2015-ci il, yanvarın 1-dən Rusiya Türkiyəyə satdığı təbii qazın satış qiymətini 6 faiz aşağı salacaq.
Son şərhlər