Məsələnin Britaniya parlamentində müzakirəsi gözlənilir 
“INTERFAX.RU” bildirir ki, Britaniya parlamentinin üzvü Riçard Ottavey jurnalistlərə bildirib ki, Çin Britaniya parlament qrupununun Honkonqa girişinə icazə vermək istəmir. Adı çəkilən deputat Londonda Honkonqla bağlı məsələləri araşdırır.
“Mənə Çin səfirliyində dedilər ki, əgər biz Honkonqa getmək istəsək, bizə viza verilməyəcək”, britaniyalı deputat deyib. O, bu məsələni Britaniya parlamentində gündəmə gətirəcəyini bildirib.
Britaniya mediası bildirir ki, Britaniya parlamentinin 11 üzvü ilin sonunda Honkonqa səfər edərək, kütləvi etirazların səbəbini araşdırmaq istəyib.
Rəsmi Pekin isə Britaniyanın bu istəyinə əvvəldən mənfi münasibət sərgiləyir.
Honkonqda etirazlar sentyabrın 26-dan bəri davam edir. Aksiya iştirakçıları Honkonq administrasiyasının rəhbərinin Pekin tərəfindən təyin edilməsini doğru saymırlar. Onlar yerli administrasiyanın rəhbərinin Honkonq sakinləri tərəfindən seçilməsini tələb edirlər.
(musavat.com)
Son şərhlər