Rusiyanın telekommunikasiya şirkətləri də daxil olmaqla bir çox dövlət şirkəti kiber hücuma məruz qalıb.
Axar.az xəbər verir ki, “Reqi” adı verilən bu virus bir çox öndə gedən şirkətlərin və hökumətə aid gizli sənədlərin arxiv bazasını dağıdıb.
“Symantec” anti virus proqram şirkətinin verdiyi açıqlamaya görə, casus virus hücumunda Qərb kəşfiyyat təşkilatlarının xüsusi rolu var.
Araşdırmalar zamanı məlum olub ki, yeni casus virusun texniki xüsusiyyətləri ABŞ-ın İran nüvə proqramını hədəfə alan “Stuxnet” proqramı üzərində qurulub.
2008-ci ildən Rusiyanın hökumətə və fərdlərə aid məlumatların əldə olunması üçün istifadə edilən bu proqram Maykrosoft poçt serverləri və beynəlxalq telefon danışıqlarını izləmək imkanı verir.
“Symantec”in verdiyi hesabatda 2013-cü ildən sonra bu virus Rusiyadan başqa 10 ölkədə fəaliyyət göstərir. Səudiyyə Ərəbistanı, İran, Hindistan, Belçika, Meksika və Avstriya kimi ölkələr də bu virusun hədəfləri arasındadır.
Son şərhlər