Ermənistan Ukraynanın separatçı bölgələrində – Donetsk və Luqanskda noyabrın 2-də keçirilmiş qanunsuz 
seçkilərlə bağlı hansı mövqe sərgiləyəcəyini bilmir.
Musavat.com erməni informasiya qaynağına istinadən xəbər verir ki, “Azadlıq” radiosunun erməni bürosunun bununla bağlı sualını cavablandıran Ermənistan XİN-in mətbuat katibi Tiqran Balayn sualdan yayınaraq belə deyib: “Biz Ukraynadakı problemlərin dinc danışıqlarla, Minskdə əldə olunmuş anlaşmaya uyğun olaraq hərtərəfli nizamlanmasının tərəfdarıyıq”.
Xatırladaq ki, Ukrayna, ABŞ, Avropa Birliyi, Türkiyə və Azərbaycan 2 noyabr seçkilərinin nəticələrini tanımadıqlarını bəyan edib. Rusiya XİN isə “nəticələrə hörmət elədiyini” bildirib.
Son şərhlər