Rusiya hüquq-mühafizə orqanları “GTA bandası” kimi tanınan və noyabrın 6-da keçirilən silahlı əməliyyat 
zamanı yaxalanan seriya qatillərin İŞİD-ə bağlı olduqlarını təsdiqləyib.
zamanı yaxalanan seriya qatillərin İŞİD-ə bağlı olduqlarını təsdiqləyib.Virtualaz.org saytı xəbər verir ki, hüquq-mühafizə orqanlarındakı mənbə banda üzvlərinin bir ilə yaxındır Moskva ətrafındakı şoselərdə gecələr tələ quraraq sürücüləri və onların sərnişinlərini öldürməsinin motivi məlum olub.
Saxlanılanlar ifadələrində bildiriblər ki, sürücüləri “ideyalarına və dini əqidələrinə görə” öldürüblər, çünki onların missiyası “kafirləri” məhv etməkdir.
Bununla belə banda üzvləri sifarişli qətllər də həyata keçiriblər. Banda üzvlərinin yollarda tələ quraraq azı 14 nəfəri öldürdüyü məlumdur, lakin öldürülənlərin sayının daha çox ola biləcəyi istisna deyil.
Moskva ətrafındakı Ramensk rayonunda xüsusi təyinatlılarla atışma zamanı öldürülən banda liderlərindən 33 yaşlı Özbəkistan vətəndaşı R.Usmanovdur. O, fəhlə işləyirmiş və həmin rayonda hüquq-mühafizə orqanlarının yüksək rütbəli əməkdaşlarından birinin villasında qarovulçu kimi qalırmış.
Atışma zamanı quldurun qaldığı qarovulçu evində yanğın olub. Xüsusi təyinatlı “Rıs” dəstəsinin döyüşçüləri onun qaldığı yerdən 60-dan çox avtomat silah, külli miqdarda patron aşkar ediblər.
Villanın sahibi olan məmurun bandaya aidiyyətinin olmadığı bildirilir. Maraqlıdır ki, Usmanovun üzərində PSM markalı tapança tapılıb. Bu tapança kiçik qabaritlidir və cəmi 20 mm qalınlığındadır, onu gizlətmək və daşımaq asandır.
Güc strukturları arasında belə deyirlər ki, bu silahı yalnız kritik situasiyalarda özlərini güllələmək üçün generallara verirlər.
“Moskovskiy komsomolets” yazır ki, Usmanovun “İslam Dövləti” (İŞİD) ilə sıx əlaqələri olub və bu qruplaşma üçün döyüşçülərin hazırlanması ilə məşğul imiş. Məlum olub ki, banda üzvləri bir neçə ay internetdə videorolik yerləşdiriblər. Bu videorolikdə banda üzvləri şose yolda hərəkət edərək başqa avtomobili təqib edirlər, sonra həmin avtomobildəkiləri “Kalaşnikov”la güllələyirlər.
Son şərhlər