Türkiyəyə qarşı hər hansı bir hücum olarsa, NATO Türkiyənin tərəfində olacaq. 
ANS PRESS-in məlumatına görə, Türkiyə müdafiə naziri İsmət Yılmaz İŞİD-in Türkiyəyə ehtimal olunan hücumlarına dair şərhində bu cür açıqlama verib. Nazir qeyd edib ki, İŞİD silahlıların Türkiyəyə hücumu, ümumilikdə, NATO ölkələrinin hamısına qarşı edilmiş hücum kimi qəbul olunacaq və alyans ölkələri bu müdaxiləni dəf etmək üçün vahid mövqedən çıxış edəcək.
“NATO-nun 5-ci maddəsində aydın qeyd olunur. Müttəfiq ölkələrdən birinə hücum edilərsə, bu hücum bütün müttəfiq ölkələrə qarşı edilmiş hesab olunur və buna görə də NATO-nun müştərək müdafiə sistemi qüvvəyə minir. Suriyada zorakılıq hadisələri törədilən zaman biz NATO-dan ehtimal ola biləcək hadisələrə dair planlar hazırlanmasını tələb etmişdik və NATO da müxtəlif alternativləri nəzərə alaraq bir plan hazırlayıb. Ona görə də Türkiyə bir hücum olarsa, NATO Vaşinqton razılaşmasının 5-ci maddəsində göstərilən tələbləri yerinə yetirəcək. Yeni gələn baş katib də bunu dedi”, – deyə nazir qeyd edib.
Nazir, həmçinin, hazırda Kobanidə davam edən gərgin vəziyyətə də toxunaraq əlavə edib ki, Türkiyə bu “yanğın”ın fərqindədir və bundan ən az zərərlə çıxmağa çalışır.
Son şərhlər