Rusiya Dövlət Dumasının deputatı Mixail Markelov (“Vahid Rusiya”) Rusiya Nəzarət
Komissiyasından və Baş prokurorluqdan xahiş edib ki, Rusiyada “Avronyus” telekanalının verilişlərinin yayımlanması dayandırılsın.
Rus mediası xəbər verir ki, deputatın xahişinə səbəb telekanalın efirində Ukrayna hərbçilərinin ölkə prezidenti Vladimir Putinin portretini güllələməsi süjetinin göstərilməsidir.
Deputatın sözlərinə görə, “Avronyus” kanalı ilə hər yarım saatdan bir yayımlanan süjet nifrət və düşmənçilik toxumu səpir, eləcə də nəinki təkcə Rusiya prezidentinin, İkinci Dünya savaşını yaşamış bütün rus xalqının ləyaqətini alçaldır. Qeyd edək ki, süjetdə Ukrayna silahlıları öz bazalarında hərbi təlim keçirlər və bu təlimlər zamanı Rusiya prezidentinin Adolf Hitlerin obrazında şəkilləndirilmiş portretini güllələyirlər.
“Bu, Avropanın apardığı ikili siyasətin növbəti sübutudur, məqsədi isə Avropanı Rusiya əleyhinə kökləməkdir. Ancaq Rusiya heç vaxt Ku-kluks-klan geyimində olan insanların Obamanın portretini təhqir etdikləri süjetdə Merkeli Yeva Braun şəklində göstərməzdi. Bu bizim milli liderimizə qarşı həqarət və hörmətsizlikdir və sivil, nəzakətli Avropanı heç də “gözəl” göstərmir”, – deyə Markelov bildirib.
Deputat hesab edir ki, istintaq işi qaldırmaq üçün hər bir əsas var. O, həmçinin Rusiya Nəzarət Komissiyasına ölkə ərazisində Avropa telekanalının yayımının dayandırılmasını təklif edib.
Son şərhlər