“Ərdoğan Obamadan Güləni istəyəcək” proqnozları doğruldu 
“Prezident Obama ilə “paralel yapı”nı müzakirə etdik”. Musavat.com yazır ki, bu sözləri Türkiyə prezidenti Rəcəb Tayyib Ərdoğan sentyabrın 5-də NATO-nun Uelsdə keçirilən zirvəsində Ağ Evin sahibi ilə görüşü haqqında ilk açıqlamasında deyib.
Yada salaq ki, təkbətək görüş 1 saat yarım davam etsə də, tərəflər mediaya təfərrüatları açıqlamamışdı. Prezident Ərdoğan deyib ki, ABŞ “paralel dövlət”lə bağlı Ankaradan geniş informasiya istəyib:“Bizdən bilgi tələb etdilər. Biz gərəkli sənədləri Vaşiqntona təqdim edəcəyik”.
Ərdoğan onu da bildirib ki, saat yarım sürən görüşmədə ABŞ-Türkiyə münasibətlər modeli ilə bağlı qısa, Ukrayna, Suriya, İraq, Liviya, Misir, Fələstin məsələləri ilə bağlı detallı müzakirə aparıblar: “Əsas müzakirələrimiz isə Türkiyədə paralel dövlət yaradılması cəhdləri haqqında oldu. Bu haqda hörmətli prezidentə fikirlərimi çatdırdıq, təhlükəsizlik qüvvələrimizin bu məsələ ilə bağlı ciddi işbirliyinə ehtiyac olduğunu vurğuladıq. Bu məsələ ilə bağlı həm milli təhlükəsizlik qüvvələrimiz, həm də xarici işlər nazirliklərimiz sıx əməkdaşlıq edəcək. Ümid edirəm ki, bu sürəc içərisində həm Türkiyədə, həm də ABŞ-dakı gəlişmələr fərqli nəticələrin əldə edilməsinə imkan yaradar. Hələlik ABŞ bu haqda detallı bilgi istəyir”.
Türkiyə prezidenti bildirib ki, prezident Obama ilə davamlı təmasda olmaq razılığına gəliblər: “Ola bilər, yaxın zamanlarda gözlənilən BMT Ali Şurasını toplantısında bir daha görüşək. Obamanın prezidentliyində 2 ili qalıb. ABŞ qanunlarına görə o, artıq prezident postuna namizəd ola bilməz, ancaq partiyasının şansını artırmaq üçün üzərində bir yük var. Bu arada bölgəmizdə hər hansı gəlişmələr olsa, biz təkrar görüşə, müzakirələrimizi davam etdirə bilərik. Önəmli olan dövlətlərin bütün mexanizmlərinin işə salınaraq bölgəsəl və qlobal problemlərin çözülməsinə imkan yaratmaqdır”.
Son şərhlər