Düşmənlər İŞİD-ə qarşı birləşdi?

Uzun illər bir-birinə qarşı düşmən mövqedə dayanan tərəflər bu gün “İslam Dövləti” terror təşkilatına qarşı müqavimət göstərmək üçün birlik nümayiş etdirir.

ABŞ və İran

ABŞ və İran İŞİD terror təşkilatını məhv etmək üçün yetərli gücə sahib İraq hökumətinin yaradılması mövzusunda ortaq fikrə sahibdir.

ABŞ və Suriya

ABŞ və Bəşər Əsəd hakimiyyəti rejimin digər müxalif qruplara qarşı döyüşməsini daha prioritetli gördüyünə baxmayaraq, İŞİD-in Suriyada məhv edilməsi mövzusunda eyni fikirdədirlər.

İsrail və Misir

İsrail və Misir HƏMAS mövzusunda bir-birinə yaxınlıqları ilə seçilən ölkələrdir. Eyni şəkildə bu gün “İslam Dövləti”nə qarşı da bu iki ölkə eyni fikirdədir.

Suriya, PKK, Türkiyə və İraq

İllərdir bölgədəki PKK-nın güclənməsindən narahatlıq duyan Türkiyə və Suriya özləri üçün daha ciddi bir təhdid olan İŞİD-ə qarşı vuruşmaq üçün pəşmərgələrin gücləndirilməsi mövzusunda eyni düşüncədədir. İraq tərəfi isə bu mövzuya tam razılıq nümayiş etdirir.

İran, Səudiyyə Ərəbistanı və İraq

Səudiyyə Ərəbistanı İraqda sünniləri, İran isə şiələri dəstəklədi. Bu üç ölkə bu gün ortaq düşmənləri olan “İslam Dövləti”nə qarşı İraqda şiə hökumətinə yardım mövzusunda birlik göstərməyə razıdır.

ABŞ və əl-Qaidə

Bütün bu yaxınlıqların ən qəribəsi: “İslam Dövləti” həm əl-Qaidəni, həm də Qərbi təhdid edir və bu, yalnız bir şeyə işarədir. Əl-Qaidənin və ABŞ-ın ortaq bir düşməni var.