Kanada və Ukrayna Kiyevə AIM hava hücumundan müdafiə (HHM) raketlərinin verilməsi barədə razılığa gəlib.
Elchi.az xəbər verir ki, bu barədə Ukrayna Müdafiə Nazirliyinin saytında iki ölkənin müvafiq qurum rəhbərləri — Mixail Fedorov və Devid Makginti arasında aparılan danışıqların yekunlarına dair məlumatda bildirilib.
“Kanada Ukraynanın hava hücumundan müdafiəsini gücləndirmək və qanadlı raketlərə qarşı mübarizə aparmaq üçün AIM raketlərini Ukraynaya təhvil verəcək. Silahlar artıq Ukraynaya ötürülmə prosesindədir”, — deyə Ukrayna qurumu kanadalı nazirin sözlərini sitat gətirib.
Nazirlikdə həmçinin bildirilib ki, görüş zamanı pilotsuz uçuş aparatlarının istehsalı üzrə saziş və ukraynalı hərbçilərin hazırlanması sahəsində əməkdaşlıq məsələləri də müzakirə olunub. Görüş videokonfrans formatında keçirilib.
Rusiyanın xüsusi hərbi əməliyyata başlamasından sonra Kiyevin Qərb müttəfiqləri Ukraynaya silah tədarükünü dəfələrlə artırıb və yeni yardım paketləri ayırmaqda davam edirlər. Bununla yanaşı, Kiyev daim hərbi yardımın həcminin artırılmasını tələb edir. Moskvada isə dəfələrlə vurğulanıb ki, Qərbin Kiyevə silah göndərməsi və ukraynalı hərbçilərin hazırlanmasına yardım göstərməsi yalnız münaqişəni uzadır və döyüş meydanındakı vəziyyəti dəyişmir.
Məryəm
