ABŞ-ın NATO-dakı daimi nümayəndəsi Metyu Uitaker bildirib ki, Vaşinqton sülh sazişi imzalanana qədər Ukraynaya silah tədarükünü davam etdirəcək.
Elchi.az xəbər verir ki, onun sözlərini “Newsmax” telekanalı yayıb.
“Sülh sazişinin bağlanması üçün nə qədər vaxt lazım olacaqsa, biz NATO üzrə müttəfiqlərimizə silah satmağa davam edəcəyik və onlar da bu silahları əsasən Ukraynaya ötürəcəklər”, – deyə Uitaker vurğulayıb.
ABŞ nümayəndəsinin sözlərinə görə, söhbət münaqişənin davam etdirilməsi üçün hava hücumundan müdafiə vasitələri və hücum xarakterli silahlardan gedir.
“Çünki məhz bu güc son nəticədə sülhün təminatı olacaq ki, bu müharibə başa çatdıqdan sonra Avropa qitəsinə yeni bir müdaxilə ilə üzləşməyək”, – deyə o əlavə edib.
Məryəm
