Çərşənbə günü Günəşdə qeydə alınan ən yüksək sinifli alışma X4.2 səviyyəsinə çatıb.
Elchi.az xəbər verir ki, bu barədə Tətbiqi Geofizika İnstitutundan (FGMBU “İPG”) məlumat verilib.
İnstitutdan bildirilib ki, 4 fevral saat 15:12-də rentgen diapazonunda 4366 saylı ləkələr qrupunda (N16E04) 16 dəqiqə davam edən X4.2 sinifli alışma qeydə alınıb.
Qeyd olunub ki, fevral ayının əvvəlindən bəri, 4 fevral da daxil olmaqla, Günəşdə artıq yeddi X sinifli alışma baş verib.
Günəş alışmaları rentgen şüalanmasının gücünə görə beş sinfə bölünür: A, B, C, M və X. Minimal A0.0 sinfi Yer orbitində kvadrat metrə 10 nanovat gücündə şüalanmaya uyğundur. Hər növbəti hərfə keçid zamanı güc on dəfə artır.
Adətən Günəş alışmaları plazma kütlələrinin atılması ilə müşayiət olunur. Bu plazma buludları Yerə çatdıqda maqnit qasırğalarına səbəb ola bilər.
Məryəm
