Pakistan 31 yanvardan bəri Bəlucistan əyalətində keçirilən əməliyyatlarda zərərsizləşdirilən yaraqlıların sayının 197-yə çatdığını açıqlayıb.
Elchi.az xəbər verir ki, Dawn qəzetinin məlumatına görə, Pakistan təhlükəsizlik qüvvələri Bəlucistanda əməliyyatlarını davam etdirir.
Rəsmilər 31 yanvardan bəri keçirilən əməliyyatlarda zərərsizləşdirilən yaraqlıların sayının 197-yə çatdığını bildiriblər.
Rəsmilər əməliyyatlar zamanı baş verən toqquşmalarda mülki şəxslər və təhlükəsizlik qüvvələri arasında da itkilərin olduğunu qeyd etsələr də, itkilərin sayı və ya şəxsiyyətləri barədə məlumat verməyiblər.
Pakistanın Terrorizm Problemi
Pakistanda silahlı hücumlar xüsusilə Əfqanıstanla həmsərhəd olan Xayber Paxtunxva və Bəlucistan əyalətlərində cəmləşib. Hər iki əyalətdə puştun və bəluc etnik qruplarının hüquqlarını müdafiə etdiyini iddia edən silahlı qruplar Pakistan təhlükəsizlik qüvvələrinə və mülki şəxslərə qarşı hücumlar həyata keçirirlər. İslamabad Pakistan Talibanının (TTP) Əfqanıstanda yerləşdiyini və hücumlarını oradan təşkil etdiyini iddia edir, Əfqanıstan hökuməti isə bu iddiaları rədd edir. Bəlucistanda Bəlucistan Azadlıq Ordusunun (BLA) hücumları diqqət çəkir. BLA Bəlucistan əyalətinin Pakistandan ayrılmasını və bölgəni Bəluc xalqının idarə etməsini istəyir.
Şayəstə
