“Ukrayna liderləri Macarıstana hücumlarında və daxili işlərinə qarışmaqda sərhədi keçiblər”.
Elchi.az xəbər verir ki, bu barədə Macarıstanın baş naziri Viktor Orban iki ölkə arasında münasibətlərin münaqişə vəziyyətinə gəldiyini qeyd edib.
“Biz münaqişə axtarmadıq, lakin Macarıstan artıq bir neçə gündür ki, qarşıdurmadadır. Bununla belə, prezident, xarici işlər naziri və ekstremist hərbi qrupların təhdidləri bizə macar xalqının maraqlarını müdafiə etməyə mane olmayacaq”, – Orban qeyd edib.
O, təsdiqləyib ki, bu təhdidlərə baxmayaraq, Macarıstan Ukrayna oliqarxlarının qızıl hamamlarına xərclənəcək pulları Kiyevə göndərməyəcək, Rusiya neft və qazına qadağa qoymayacaq və Ukraynanın Aİ-yə daxil olmasına imkan verməyəcək.
“Nə qədər ki, Macarıstanın milli yönümlü hökuməti var, bu məsələlər nə Kiyevdə, nə də Brüsseldə həll olunacaq. Ukrayna da bunu bilir. Ona görə də Budapeştdə yeni, Ukraynaya dost hökumət istəyirlər və buna görə də bizi daim təhdid edirlər”, – baş nazir bildirib.
Yanvarın 27-də onun göstərişi ilə Macarıstan Xarici İşlər Nazirliyi Ukraynanın Budapeştdəki səfirini çağıraraq, Ukraynanın Macarıstanın daxili işlərinə, o cümlədən aprelin 12-də keçiriləcək parlament seçkilərinə qarışmasına etiraz edib.
Yeganə
