Çində doğum nisbətinin 2025-ci ildə min nəfərə 5,63-ə düşəcəyi proqnozlaşdırılır ki, bu da 1949-cu ildə milli qeydlərin başlanmasından bəri ən aşağı səviyyədir.
Elchi.az xəbər verir ki, milli Statistika Bürosu (NBU) 2025-ci il üçün əhali məlumatlarını açıqladı. Bu məlumatlara görə, 2024-cü ildə 1.408.280.000 olan Çinin materik hissəsinin əhalisi 2025-ci ildə 1.404.890.000-ə düşəcək.
Çinin əhalisi 2025-ci ildə 3,39 milyon azalacaq və əvvəlki üç ilin azalma tendensiyasını davam etdirəcək.
Çinin əhalisi 1960-cı illərin əvvəllərindəki aclıq illərindən bəri ilk dəfə 2022-ci ildə azalıb. Bu, Çin əhalisinin uzunmüddətli azalma tendensiyasının başladığı il idi.
Doğum nisbəti azalıb, ölüm nisbəti artıb
Çində 2025-ci ildə 7,92 milyon körpə dünyaya gəlib ki, bu da 2024-cü ildə 9,54 milyon körpənin dünyaya gəldiyi ilə müqayisədə 16,9% azdır.
2024-cü ildə hər min nəfərə 6,77 olan doğum nisbəti 2025-ci ildə hər min nəfərə 5,63-ə düşüb. Doğum nisbəti 1949-cu ildə milli qeydlərin başlamasından bəri ən aşağı səviyyəyə düşüb.
2025-ci ildə ölkədə 11,31 milyon ölüm qeydə alınıb ki, bu da 2024-cü ildə 10,93 milyon ölüm qeydə alındığı ilə müqayisədə 3,4% artım deməkdir. Ölüm nisbəti hər min nəfərə 7,76-dan hər min nəfərə 8,04-ə yüksəlib. Əhalinin təbii artım tempi min nəfərə mənfi 2,41-ə düşüb.
Kişi əhalisi 716,85 milyon, qadın əhalisi isə 688,04 milyon olub.
Şayəstə
