ABŞ prezidenti Donald Tramp Ədliyyə Nazirliyini uşaq təcavüzü ilə bağlı ittiham olunan amerikalı maliyyəçi Ceffri Epşteynin işi ilə bağlı yeni materialları açıqlamağa çağırıb.
Elchi.az xəbər verir ki, o, bunu Truth Social hesabında edib.
Tramp nazirliyi Epşteynlə əməkdaşlıq edən Demokrat Partiyasının rəsmilərini ictimaiyyətə təqdim etməyi tələb edib: “İndi Epşteyn işində daha 1 milyon səhifə aşkar edilib. Ədliyyə Nazirliyi bütün vaxtını Demokratlar tərəfindən uydurulmuş bu saxtakarlığa sərf etməyə məcburdur. Epşteynlə işləyənlər Respublikaçılar deyil, Demokratlar idi. Onların hamısının adlarını açıqlayın, onları utandırın və ölkəmizə kömək etməyə qayıdın”.
O, radikal solçuların nümayəndələrinin insanların onun administrasiyasının və Respublikaçılar Partiyasının uğurları haqqında danışmasını istəmədiklərini və bu qalmaqalı qəsdən şişirdiklərini, bunun “daha bir cadugər ovu” olduğunu vurğulayıb.
Bu arada CNN-in yaydığı məlumata görə, Florida prokurorluğu tətil günlərində maliyyəçi Ceffri Epşteynin işi üzrə işləmək üçün ödənişli şərtlərlə könüllülər axtarır.
Yaxın günlərdə yeni bir sənəd dəsti açıqlana bilər.
