Qəzza münaqişəsinin tərəfləri və vasitəçilər Fələstinin HƏMAS hərəkatını tərksilah etmək üçün ilkin addımlar, o cümlədən qrupun ağır silahlarının çıxarılması barədə razılığa gəliblər.
Elchi.az xəbər verir ki, bu barədə Səudiyyə Ərəbistanının “Əl Ərəbiyyə” televiziyası məlumat verib.
“HƏMAS-dan ağır silahların çıxarılması üçün ilkin addımlar barədə razılıq əldə olunub”, – telekanalın mənbələri iddia edir.
Onların sözlərinə görə, Fələstin qrupu ABŞ-a sülh prosesinin bir hissəsi kimi Qəzza zolağına nəzarətdən imtina etməyə hazır olduğunu təsdiqləyib.
“Əl-Ərəbiyyə” mənbələrinin məlumatına görə, vasitəçi ölkələr (Misir, Qətər və Türkiyə) ilə ABŞ arasında son təmaslar Qəzza tənzimləməsinin ikinci mərhələsinə doğru irəliləyiş nümayiş etdirib və onun əsas parametrlərini dəyişməyib.
Beləliklə, tərəflər Fələstin anklavında təhlükəsizliyi təmin edəcək beynəlxalq qüvvələrin yaradılmasını tezliklə elan etmək niyyətindədirlər və İsrail Zolaq əhalisi üçün humanitar yardımın həcmini artırmağı öhdəsinə götürüb.
Yeganə
