UEFA Çempionlar Liqasının əsas mərhələsinin V turunda “Napoli” ilə matç üçün”Qarabağ” azarkeşlərinə ayrılan yerlərin sayı açıqlanıb.
Elchi.az Teleqraf-a istinadən xəbər verir ki, oyun üçün biletlərin bu gün satışa çıxarılacağı da bildirilib.
“Stadio Diego Armando Maradona”da “Qarabağ”ın azarkeşləri üçün 2480 yer ayrılıb.
Vauçerlər “iTicket.az” saytında onlayn şəkildə bu gün saat 15:00-dan etibarən satışa çıxarılacaq. Azarkeşlər ayrılmış sektorlara “Gate 26” vasitəsilə daxil olacaq.
Qeyd edək ki, “Napoli”-“Qarabağ” oyunu noyabrın 25-də, Bakı vaxtı ilə 00:00-da start götürəcək.
