BMT-nin Baş katibi Antonio Quterreş Qəzzada kövrək atəşkəsin dəfələrlə pozulduğunu, lakin qüvvədə qaldığını bildirib və ikinci mərhələ üçün danışıqların açılmasına çağırıb.
Elchi.az xəbər verir ki, Nyu-Yorkda BMT-nin qərargahında Afrika İttifaqı ilə BMT arasında yüksək səviyyəli görüşdən sonra Quterreş Afrika İttifaqı Komissiyasının sədri Mahmud Əli Yusufla birlikdə mətbuatın suallarını cavablandırıb.
Atəşkəs və Qəzzada humanitar yardımın vəziyyəti ilə bağlı qiymətləndirməsi barədə soruşulduqda, Quterreş deyib: “Qəzzada atəşkəs kövrəkdir, dəfələrlə pozulur, lakin qüvvədə qalır”.
Quterreş deyib: “Mən atəşkəsə tam riayət olunmasına, Fələstin xalqı üçün öz müqəddəratını təyin etmək üçün lazımi şəraitin yaradılmasına və iki dövlətli həllin həyata keçirilməsinə gətirib çıxaracaq ikinci mərhələ üçün danışıqların açılmasına çağırıram”. Quterreş humanitar yardım axınında hələ də maneələr və çətinliklər olduğunu vurğulayıb və Qəzzada humanitar yardımı əhəmiyyətli dərəcədə artırdıqlarını və BMT-nin növbəti addımlarının BMT Təhlükəsizlik Şurası tərəfindən müəyyən ediləcəyini əlavə edib.
Şayəstə
