Rusiya AZAL-ın vurulan təyyarəsi ilə bağlı Azərbaycanın bütün tələblərini qəbul edib.
Düşənbə görüşündə Əliyevlə görüşən Putin AZAL-ın təyyarəsinin vurlmasına görə başsağlığını bir daha çatdırdı və hadisə baş verdiyi vaxt üzr istədiyini xatırlatdı. Hadisə ilə bağlı araşdırmanın yaxın vaxtda başa çatacağını deyən Putin diqqəti “kənar müdaxilə” üzərinə yönəltməyə çalışdı. Bu, məsuliyyəti müəyyən qədər də olsa, bölüşdürmək məqsədi daşıyır.
Putin bildirdi ki, Rusiyanın hava məkanına müdaxilələr olub və Hərbi Hava Qüvvələri buna qarşı atəş açıb. AZAL-ın təyyarəsi hədəf kimi seçilməsə də, atəş açılan vaxt qəlpələrə tuş gəlib.
Azərbaycan da qəza baş verən ilk gündən bu mövqedən çıxış edirdi: Rusiya AZAL-ın təyyarəsini hədəf olaraq seçməyib, lakin HHQ-nin səhvləri nəticəsində böyük faciə baş verdi və buna görə Moskva Bakının üç haqlı tələbini qəbul etməlidir.
1. Baş verənlərə görə Azərbaycandan üzr istənilməli;
2. Kompensasiya ödənilməli;
3. Günahkarlar cəzalandırılmalıdır;
Putinin hadisə baş verən vaxt Əliyevlə telefon danışığında üzr istəməsi ilə birinci tələb yerinə yetirilsə də, Moskva digər iki tələbə məhəl qoymamaq siyasəti sərgiləyirdi. Buna paralel olaraq, tələblərindən geri çəkilməsi üçün informasiya və siyasi müstəvidə Bakıya təzyiqlər edildi. Hərçənd, Əliyev bütün təzyiqlərə baxmayaraq, ilk gündə sərgilədiyi mövqeyindən geri çəkilmədi. Və nəhayət, Azərbaycanın iki tələbinin – kompensasiya ödənilməsi və günahkarların cəzalandırılması, icra ediləcəyi Əliyevlə görüşdə birbaşa Putin tərəfindən qəbul olundu.
Bu nəticənin əldə edilməsində Əliyevin prinsipial mövqeyi həlledici amil oldu.
Çox maraqlı məqalədir, təşəkkürlər. Əliyevin mövqeyinin nəticə verməsinə sevindim. Putinlə görüşdən belə bir nəticə çıxması Azərbaycan üçün böyük uğurdur. Bu hadisədən sonra belə məsələlərdə diqqətli olmalıdılar.
Elə də “kənar müdaxilə” deyib məsuliyyətdən qaçmaq olmur. Putin nə qədər desə də, təyyarəni vurublar da. Ən yaxşısı bu, yəni hər şeyi qəbul eləməkdir. Əliyev də öz işini bilir, yaxşı ki, tələblərimiz qəbul olundu. İndi görək pulu verəcəklər, yoxsa yenə də sözdə qalacaq.