İsrailin Qəzzada soyqırım hücumları davam edərkən, regional iğtişaşlar fərqli səviyyədə davam edir. Tamamilə Müsəlman Körfəz Əməkdaşlıq Şurası ölkələrinin İranın Böyük Tunb, Kiçik Tunb və Əbu Musa adaları ilə bağlı bəyanatları İranı qəzəbləndirib və birgə bəyanat kimi təqdim edilən bu bəyanatda Aİ ölkələrinin yer alması İranın yeni addım atmasına səbəb olub.
Elchi.az xəbər verir ki, İran Avropa İttifaqı ölkələrinin nümayəndələrini Xarici İşlər Nazirliyinə çağıraraq etiraz notası təqdim edib.
Körfəz Əməkdaşlıq Şurası və Avropa İttifaqının birgə bəyanatı
Körfəz ölkələrinin Əməkdaşlıq Şurası (KƏŞ) və Avropa İttifaqının (Birləşmiş Ərəb Əmirlikləri) xarici işlər nazirləri bəyanat yayaraq, İranı hüquqi qüvvəyə malik zəmanətlər altında öz öhdəliklərinə yenidən əməl etməyə, bununla da etimadı bərpa etməyə, regional və qlobal təhlükəsizlik və sabitliyi gücləndirməyə çağırıblar. Bəyanatda həmçinin İranın Böyük Tunb, Kiçik Tunb və Əbu Musa adalarının Birləşmiş Ərəb Əmirliklərinə aid olduğu iddia edilib.
İrandan etiraz notası
İran dövlət televiziyasının məlumatına görə, Körfəz Əməkdaşlıq Şurası (KƏŞ) və Avropa İttifaqının xarici işlər nazirlərinin Böyük Tunb, Kiçik Tunb və Əbu Musa adaları ilə bağlı birgə bəyanatının dərcindən sonra Aİ ölkələrinin səfirləri və nümayəndəlik rəhbərləri Xarici İşlər Nazirliyinə çağırılıb.
Bildirilib ki, xarici işlər nazirinin müavini Məcid Taxt Rəvançi həm Aİ-nin İranın suverenliyində olan adalarla bağlı “müdaxiləçi” bəyanatları, həm də Tehranın nüvə proqramı ilə bağlı mövqeyi ilə bağlı avropalı diplomatlara etiraz notası göndərib.
Avropa ölkələrinin sözügedən adalara münasibətinin “dövlətlərin milli suverenliyinə və ərazi bütövlüyünə hörmət prinsipinin pozulması” olduğu irəli sürülüb.
Nuranə Məmmədova
