Rusiya Müsəlmanları Ruhani İdarəsi xüsusi fitvası ilə kuryerlər tərəfindən daşınan yükləri iki kateqoriyaya ayırıb – halal (icazə verilən) və haram (qadağan olunan).
Elchi.az Teleqraf-a istinadla xəbər verir ki, fitvanın mətni Rusiya Müsəlmanları Ruhani İdarəsinin saytında dərc olunub.
Fitvaya əsasən, kuryerlərə aşağıdakı malları çatdırmaq qadağandır:
– Spirtli içkilər;
– Donuz əti;
– Şəriət (İslam) qaydalarına uyğun kəsilməmiş heyvanların əti;
– Bütpərəstliklə bağlı əşyalar;
– Qumar oyunları ilə əlaqəli mallar.
İstisna: əgər bu mallar utilizasiya (yəni məhv edilməsi) üçün daşınırsa, bu zaman daşınmaya icazə verilir.
Əgər kuryer bağlamanın içində nə olduğunu bilmirsə, bu, günah sayılmır.
Əgər bir sifarişdə həm halal, həm də haram mallar varsa, amma əsas hissə halaldırsa, çatdırma icazəlidir. Bununla belə, kuryerə gəlirin bir hissəsini sədəqə kimi vermək tövsiyə olunur – “qazancı təmizləmək” məqsədilə.
Fitva Rusiyanın müəyyən kəsimlərində müzakirələr və etirazlara səbəb olub.
Rusiya İnsan Haqları Şurasının rəhbəri Kirill Kabanov bu məsələyə münasibət bildirib:
“Bu qərar cəmiyyəti süni şəkildə bölmək istiqamətində daha bir addımdır – “özünkülər və özgələr”, “imanlılar və kafirlər” kimi. Ən təhlükəlisi insanları dinə görə bölməkdir”.
Kurbanov həmçinin vurğulayıb ki, bu yenilik Mərkəzi Asiya və Cənubi Qafqazdan (çox güman ki, Azərbaycan vətəndaşları nəzərdə tutulur – red.) olan miqrantların kütləvi şəkildə işdən çıxarılmasına səbəb ola bilər.
Əhsən, çox gözəl məlumatdu. Rusiyada belə qaydalar qoyulması düzdü. Axı haram malı daşımaq olmaz, bu dinimizə uyğundur. Xüsusilə spirtli içki və donuz əti kimi şeylər bəziləri üçün problem yarada bilər.
Əəə, necə yəni? Rusiyada belə şeylər də olurmuş. Yaxşı eləyiblər, nəyin halal, nəyin haram olduğunu bilmək lazımdı da. Mən də elə düşünürəm, hər şeyə diqqət eləmək lazımdu. Bu ruslar da təzə-təzə çıxır ortaya.
Yaxşı, bu xəbər çox maraqlıdı. Rusiyada belə şeylər olması təəccüblüdür. Heç ağlıma gəlməzdi ki, kuryerlərin də belə qaydaları olar. Yəni dinə görə mal aparıb-aparmamaq məsələsi, qəribədi biraz. Mən də elə düşünürəm ki, bu işləri düzgün eləyiblər, çünki bəzi şeylər var ki, dinimizə uyğun deyil.
Maraqlı mövzudu. Yəni rusiyada belə bir fitva verilib ki, kuryerlər bəzi malları daşıya bilmir? Spirtli içki və donuz ətini başa düşürəm, amma digərləri də varmış. Hətta Azərbaycanla bağlı da qeyd olunub, bu da diqqət çəkir.