Azərbaycan Prezidenti İlham Əliyev sentyabrın 27-də – Anım Günündə Gəncə Memorial Kompleksinin açılışında iştirak edib.
Elchi.az xəbər verir ki, əvvəlcə dövlət başçısı memorial lövhənin qarşısına əklil qoyub.
Azərbaycan Prezidenti Anım Günü ilə əlaqədar Gəncə Memorial Kompleksində saat 12:00-da Vətən müharibəsi şəhidlərinin xatirəsini bir dəqiqəlik sükutla yad edib.
Sonra Dövlət Şəhərsalma və Arxitektura Komitəsinin sədri Anar Quliyev dövlət başçısına kompleks barədə ətraflı məlumat verib.
Prezident İlham Əliyevin 2022-ci ilin yanvarında təməlini qoyduğu bu kompleks İkinci Qarabağ müharibəsi zamanı Ermənistanın raket hücumlarının qurbanı olmuş günahsız insanların əziz xatirəsini əbədiləşdirmək və müharibənin acı reallıqlarını gələcək nəsillərə çatdırmaq məqsədi daşıyır.
Bu ilin martında Birinci vitse-prezident, Heydər Əliyev Fondunun prezidenti Mehriban Əliyeva qızları Leyla və Arzu Əliyeva ilə birlikdə layihə ilə tanış olub, avqust ayında isə Prezident İlham Əliyev və birinci xanım kompleksdə görülən işlərin gedişinə baxış keçiriblər.
Xatırladaq ki, cəbhə xəttindən 80 kilometr aralıda yerləşən Gəncə şəhəri Vətən müharibəsi dövründə oktyabrın 4-ü, 5-i, 8-i, 11-i və 17-də Ermənistan silahlı qüvvələrinin “Toçka-U”, “Smerç”, “SCUD” və digər raket sistemlərindən atəşə məruz qalıb. Bu amansız hücumlar nəticəsində 6-sı uşaq olmaqla, 26 mülki şəxs həyatını itirib, 142 dinc sakin isə yaralanıb.
Bildirildi ki, Memorial məhz həmin zərbələrdən birinin endirildiyi ərazidə – yaşayış binalarının yerində inşa olunub və 4 hektar sahəni əhatə edir. Orijinal memarlıq həlli ilə seçilən abidə spiralvari forması ilə raketin yerdə buraxdığı iz – krateri simvolizə edir. Kompleksin açıq meydanında isə dağıdılmış binaların qalıqları xüsusi instalyasiya şəklində qorunub saxlanılıb.
Aypara formalı ikimərtəbəli binanın ümumi sahəsi 2400 kvadratmetrdir. Birinci mərtəbədə muzey ekspozisiyası, ikinci mərtəbədə isə seminar, təlim və müxtəlif tədbirlərin keçirilməsi üçün nəzərdə tutulmuş çoxfunksiyalı zal yerləşir.
Muzeydə “XX əsrin əvvəli”, “Deportasiya və məcburi köçkünlük”, “Soyqırımı və kütləvi qırğınlar”, “Atəşkəs və Vətən müharibəsi dövrü”, “İtkin düşənlər, kütləvi məzarlıqlar, mina terroru” və “İşıqlı gələcəyə doğru” mövzularına həsr olunmuş zallar fəaliyyət göstərir.
Ekspozisiya ziyarətçilərə əvvəlcə XX əsrin əvvəllərində baş verən faciələri, o cümlədən 1918-ci ilin mart soyqırımını tarixi faktlarla təqdim edir. Burada, həmçinin 1948–1953-cü illərdə soydaşlarımızın Qərbi Azərbaycandan kütləvi deportasiyası əks etdirilib. İnteraktiv bölmədə arxiv materialları, tarixi sənədlər və dağıdılmış mədəni irs nümunələri ilə tanış olmaq mümkündür.
Növbəti bölmələrdə 1987–1994-cü illərdə Azərbaycan xalqının üzləşdiyi etnik təmizləmə cinayətləri, dinc əhaliyə qarşı törədilmiş soyqırımlar və sistemli qırğınlar haqqında məlumatlar yer alıb. Muzeyin ayrıca hissəsi isə müasir dövrdə – atəşkəs illərində, Vətən müharibəsi günlərində və ondan sonrakı mərhələdə mülki əhalinin məqsədli şəkildə hədəfə alınması faktlarına həsr olunub.
Ekspozisiyanın son hissəsi uzun illər davam edən haqsızlıqlara baxmayaraq, mübarizliyini qoruyan Azərbaycan xalqının əzmkarlığının və qələbə əzminin təntənəsinə həsr olunub.
Sonra Prezident İlham Əliyevin Gəncə Memorial Kompleksində şəhər sakinləri ilə səmimi görüşü olub.
Bu gözəl xəbərdir ki, Prezidentimiz Gəncə Memorial Kompleksinin açılışında iştirak edib. Şəhidlərimizin xatirəsinə göstərilən bu hörmət çox təsirlidir. Belə bir kompleksin tikilməsi Vətən müharibəsi qəhrəmanlarımızı unutmayacağımızı göstərir. Hamıya başsağlığı diləyirəm.
Prezidentimizin Gəncədə Anım Günündə bu möhtəşəm memorial kompleksi açması çox təsirlidir. Vətən müharibəsi şəhidlərimizin xatirəsini əbədiləşdirmək və bu hadisələri unutmamaq üçün böyük addımdır. Bu kompleks, gələcək nəsillərə müharibənin dəhşətlərini və qəhrəmanlarımızın şücaətini çatdıracaq. Çox gözəl düşünülmüş bir layihədir.
Prezidentimiz İlham Əliyevin Gəncə Memorial Kompleksinin açılışında iştirak etməsi çox sevindiricidir. Bu, şəhidlərimizin əziz xatirəsinə verilən böyük dəyərin göstəricisidir. Belə bir memarlıq abidəsinin yaradılması, müharibənin dəhşətlərini unutmamaq üçün çox əhəmiyyətlidir. Allah bütün şəhidlərimizə rəhmət eləsin.
Prezidentimiz İlham Əliyevin Gəncə Memorial Kompleksinin açılışında iştirak etməsi çox sevindiricidir, bu, şəhidlərimizin xatirəsinə verilən dəyərin əsl göstəricisidi. Şəhidlərimizin əziz xatirəsini əbədiləşdirmək üçün belə bir möhtəşəm abidənin yaradılması çox əhəmiyyətlidi, Allah bütün şəhidlərimizə rəhmət eləsin. Kompleks müharibənin dəhşətlərini unutmamaq üçün çox vacibdir.
Əla bir xəbərdi, Prezidentimiz İlham Əliyev Anım Günündə Gəncədə bu önəmli kompleksi açıb. Şəhidlərimizin xatirəsi hər zaman əziz tutulacaq. Bu möhtəşəm layihə Vətən müharibəsinin acılarını unutmamağımız üçün gözəl bir xatırlatmadır. Prezidentimizin bu cür addımları bizləri çox sevindirir.