İsrail ordusu Yəmənə növbəti silsilə hücumlara başlayıb. İsrailin endirdiyi zərbələr nəticəsində Yəmənin paytaxtı Sənada partlayış səsləri eşidilib.
Elchi.az xəbər veerir ki, Yəmənin Əl-Məsirə telekanalı İsrail ordusunun Sənaya hava zərbələri endirdiyini bildirib. Zərbələr Husilərin lideri Əbdül-Malik əl-Husi canlı yayımda bəyanat verərkən baş verib. Bu arada İsrail ordusu Husilərin hərbi hədəflərinə qarşı “geniş miqyaslı hücum” təşkil edildiyini bildirən yazılı açıqlama verib. Çoxlu sayda döyüş təyyarəsinin iştirak etdiyi hücumlarda husilərə aid sözdə Baş Qərargahın nəzarət mərkəzinin də hədəf alındığı da bildirilib. Müdafiə naziri Yisrael Katz Sanaya hücumla bağlı sosial mediada yazılı açıqlama yayıb. O, Sənada “çoxsaylı Husi hədəflərini” bombaladıqlarını və çoxlu sayda pilotsuz uçuş aparatını (PUA) və silah anbarını məhv etdiklərini iddia edib.
Husilər hələlik hücumlarda itki olub-olmaması ilə bağlı açıqlama verməyib.
Husilər dünən partlayıcı yüklü pilotsuz təyyarə ilə İsrailin cənubundakı Eylat şəhərinə hücum edib, azı 20 nəfər yaralanıb.
Nuranə Məmmədova
