0
“Azərbaycan güclü dövlətdir və onun güclü ordusu var!” Möhtərəm Prezidentimiz İlham Əliyev söylədiyi bu sözlərlə güclü ordu ilə güclü dövlətin vəhdət təşkil etdiyini diqqətə çatdırır. Çünki müstəqil dövlətin nüfuzu təkcə onun iqtisadi, siyasi və elmi potensialı ilə deyil, eyni zamanda malik olduğu ordusunun qüdrəti ilə də ölçülür.
Biz bu gün böyük iftixar hissi ilə deyə bilərik ki, Azərbaycan Respublikasının Milli Ordusu – respublikamızın milli təhlükəsizliyini, əhalimizin əmin-amanlığını və mühafizəsini təmin etmək üçün, ölkəmizin sərhədlərinin qorunması, ərazi bütövlüyünün, torpaqlarının müdafiə edilməsi üçün Azərbaycanın layiqli Silahlı Qüvvələri vardır.
Güclü ordu ilə güclü dövlət anlayışı vəhdət təşkil edir. Çünki müstəqil dövlətin nüfuzu iqtisadi, siyasi və elmi potensialı ilə yanaşı, onun malik olduğu ordusunun qüdrəti ilə də ölçülür. Azərbaycanda milli ordu quruculuğu çox çətin, mürəkkəb və ziddiyyətli mərhələlərdən keçmişdir. Bu gün artıq müstəqil Azərbaycanın peşəkar hərbçi kadrlardan ibarət, güclü maddi-texniki bazaya, müasir texnika və silahlara malik olan nizami ordusu vardır.
Prezident cənab İlham Əliyev tərəfindən Silahlı Qüvvələrin maddi-texniki təchizatının yenilənməsinə, müasir infrastrukturun yaradılmasına, hərbi qulluqçuların sosial müdafiəsinə, mənzil təminatının yaxşılaşdırılmasına, həmçinin müdafiə sənayesinin inkişaf etdirilməsinə hər zaman xüsusi diqqət yetirilir.
Azərbaycanda son illərdə formalaşan və dinamik inkişaf edən hərbi sənaye hesabına müxtəlif növ hərbi texnika, zirehli maşınlar, pilotsuz uçuş aparatları, atıcı silahlar istehsal olunur. Azərbaycan öz zavodlarında istehsal etdiyi hərbi təyinatlı məhsullarla Ordumuzu əhəmiyyətli dərəcədə təchiz edə bilir. Silah və hərbi texnikaların satın alınması və hərbi məhsulların istehsalına dair bir sıra ölkələrlə müqavilələr imzalanaraq hərbi əməkdaşlıq əlaqələri genişləndirilib.
30 illik erməni işğalına həmişəlik son qoyan Ordumuzun 2020-ci ildə 44 günlük Vətən müharibəsində qazandığı qələbədən sonra nüfuzu günü-gündən daha da güclənir. Onun gücləndirilməsi dövlət başçısının da prioritet siyasətlərindəndir.
2020-ci ilin sentyabrında Azərbaycan dövləti bütün dünyaya öz hərbi qüdrətini nümayiş etdirdi. Azərbaycan öz torpaqlarını çox effektiv formada işğaldan azad etdi. Bu, onun göstəricisi idi ki, Azərbaycanda cənab İlham Əliyevin rəhbərliyi altında çox uğurlu ordu quruculuğu həyata keçirilib. Azərbaycan Ordusu ən müasir silah-sursatla təchiz olunub. Bu proses indi də davam etdirilir.
Bu gün Azərbaycan Ordusu dünyanın mötəbər reytinq cədvələrində çox layiqli yerdə dayanır. Dünyanın ən güclü ordusu sırasında Azərbaycan Ordusu da var. 44 günlük Vətən müharibəsində qələbənin əldə olunması ordumuzun beynəlxalq reytinq cədvəllərində mövqelərinin daha da yaxşılaşması ilə nəticələndi. Hazırda Azərbaycan Ordusu dünyanın ən güclü 50 ordusu sırasındadır.
Ən mühüm məqamlardan biri bundan ibarətdir ki, bu gün Azərbaycan cəmiyyətində Silahlı Qüvvələrimizə böyük inam var. Silahlı Qüvvələrimizin hər bir vətəndaşın qürur mənbəyidir. Bu, olduqca vacib amildir. Çünki ordu cəmiyyətdə daxili özünə inamı, dövlətə etimadı gücləndirən əsas faktorlardan biridir.
Artıq Azərbaycan Cənab Prezidentin rəhbərliyi altında böyümüş, inkişaf etmiş, böyük tərəqqi yolu keçmiş qüdrətli bir dövlətdir!
Azərbaycan Ordusu dövlətin dayağı, xalqın güvənc yeri və qürur mənbəyidir!
Fuad Əliyev
Vətəndaş Hüquqlarının Müdafiəsinə Dəstək ictimai Birliyinin sədri, Prezidentliyə sabiq namizəd, siyasi ekspert
