Çəhrayı geyinmiş və əllərində süpürgələr olan yüzlərlə qadın İndoneziyanın paytaxtında parlament binasına doğru yürüş edərək polisin sui-istifadəsinə və hökumətin israfçılığına etiraz ediblər.
Elchi.az bu barədə “BBC News”a istinadən xəbər verir.
Cakartada və digər mühüm şəhərlərdə artan yaşayış xərclərinə və parlament üzvlərinə verilən səxavətli müavinətlərə görə qəzəblə alovlanan etirazlar artıq ikinci həftəsinə daxil olur.
Keçirilən mitinq zamanı İndoneziya Qadınlar Alyansının (IWA) çəhrayı geyimli qadın etirazçıları süpürgələrin onların dövlətin çirkabını, militarizmi və polis repressiyasını süpürmək istəklərini simvolizə etdiyini bildiriblər.
Etirazçılar həmçinin “Polisin islahatı” yazılmış plakatları da əllərində qaldırıblar. Etirazlar gücləndikcə, ölkə prezidenti Prabowo Subianto Çinin kütləvi hərbi paradında iştirak etmək üçün Pekinə səfərini ləğv edəcəyini söyləmişdi, lakin çərşənbə günü Si Cinpin və Rusiya prezidenti Vladimir Putinlə qrup şəkili çəkdirərkən göründü.
Yeganə
Son şərhlər