Suriyada 61 illik Baas rejiminin devrilməsindən sonra 14 əyalətin nümayəndələrinin daxil olacağı Xalq Məclisində yerlərin sayının 150-dən 210-a çatdırılacağı açıqlanıb.
Elchi.az xəbər verir ki, Xalq Məclisinin Seçkilər üzrə Ali Komitəsinin sədri Məhəmməd Taha əl-Əhməd Suriyanın rəsmi xəbər agentliyi SANA-ya bildirib ki, “Xalq Məclisindəki yerlərin sayı 150-dən 210-a qaldırılacaq. Yeni tənzimləmə ilə əyalətlərin məclisdəki təmsilçiliyi daha sonra c10 müəyyən ediləcək. Bu üzvlərin 70-ni prezident təyin edəcək”.
Seçki cədvəli haqqında məlumat verən əl-Əhməd bildirib ki, aralıq seçki sistemi haqqında fərman imzalandıqdan sonra bir həftə ərzində alt komitələr təyin olunacaq və bu komitələr 15 gün ərzində seçki komissiyasını seçəcək.
Seçkilərin 15-20 Sentyabr tarixləri arasında keçirilməsinin planlaşdırıldığını və seçki orqanlarında qadınların minimum 20% iştirak nisbətini təmin etmək üçün səylərin davam etdiyini izah edən El Əhməd namizədlik prosesinin komitələr müəyyən edildikdən sonra başlayacağını bildirib.
Seçki prosesinin Yüksək Seçki Komissiyasının nəzarəti və koordinasiyası ilə aparılacağını bildirən El Əhməd, “Beynəlxalq müşahidəçilər tərəfindən izləniləcək seçkilərdə namizəd siyahıları və nəticələrə etiraz etmək hüququ qorunacaq” deyib.
Şayəstə Hüseynova
