Avropa İttifaqı Şurası (Aİ) Avropa Sülh Mexanizmi (EPF) çərçivəsində Cibuti Silahlı Qüvvələrinə dəstək məqsədilə 10 milyon avro dəyərində yardım ayırıb.
Elchi.az xəbər verir ki, bu barədə Aİ Şurasının mətbuat xidməti məlumat yayıb.
Bildirilib ki, bu ilk yardım Birləşmiş Millətlər Təşkilatının “Dəniz Hüququ haqqında” Konvensiyasına (UNCLOS) uyğun olaraq Cibutinin suverenliyi və hüquqlarını qorumaq, həmçinin Qırmızı dənizdə təhlükəsizliyi gücləndirmək üçün Cibuti Silahlı Qüvvələrinin müdafiə qabiliyyətini artırmağa yönəlib.
“Bu baxımdan EPF çərçivəsində göstərilən dəstək Aİ-nin Qırmızı dənizdəki ümumi təhlükəsizlik və müdafiə siyasəti əməliyyatlarını tamamlayaraq Cibutinin dəniz məkanına dair məlumatlılığı artıracaq”.
